fbpx

Il-wiżgħa, jien u l- …

Miktub minn
Reklam

Fejn mort wiżgħa ċkejkna?

Sa ftit ilu kont toħroġ tittawwalli

minn bejn il-ħajt tas-sejjieħ.

Jew inkella biex tinkini,

tistaħbili wara xi pala tal-bajtar

U toqgħod tidħaq bija,

irqiq, irqiq.

 

Fejn mort issa wiżgħa ċkejkna?

Illum flok il-ħajt tas-sejjieħ

Hawn mostru tal-konkrit

jgħatti x-xemx b’rasu kbira

u kważi jgħaffeġ fuq l-aħħar żewġ bajtriet.

Warajh għandu lil ħuh il-krejn u lil zitu l-gaffa,

mgħannqin flimkien jiddominaw l-orizzont.

 

Fejn mort wiżgħa ċkejkna?

Tgħidlix li għaffġitek iz-zija?

Tgħidlix li kissrulek dahrek

u keċċewk minn dan is-santwarju ta’ sliem?

Jew forsi ġie xi għasfur u tajrek miegħu

lejn post aktar hieni u kwiet?

 

BUM BUM BUM BUM … (sħaba bajda u griża fis-setaħ)

 

X’waħda din, x’ġara?

Dak mhux ħoss ta’ sparatura

 

ta’ kaċċatur qalbien?

Dak mhux ħafna ċomb u rix itir?

 

Sibtek wiżgħa ċkejkna!

Imma milli jidher tard wisq!

Din il-gżira għamiet bit-tlellix dehbien tal-progress

u qed tibqa’ ma tindunax li l-akbar teżor hija int,

wiżgħa ċkejkna, li flimkien mal-insetti, l-annimali

u l-fawna naturali tgħonu lil dan il-pajjiż

bi sbuħija unika u partikolari.

 

Insellimlek għażiża wiżgħa ċkejkna,

grazzi tal-ħbiberija tiegħek u jekk jogħġbok

aħfirli li ma salvajtekx.

Aħfrilna li qed nagħżlu monstru tal-konkrit

flok lilek,

fuq kollox aħfrilna li qed inħallu r-regħba materjali

ta’ ħaddieħor, ittapnilna l-vista, moħħna, qalbna

u t-tama li Malta, xi darba, terġa’

tħaddar mill-ġdid.

Karen Mamo

Karen Mamo

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Ara wkoll

Reklam
Reklam
EnglishMaltese