fbpx

B’tifkira – Anastasju Cuschieri

Miktub minn
Reklam

Anastasju Cuschieri –  Patri, senatur, professur tal-filosofija u awtur. Poeta tal-Madonna u tal-Ilsien Malti.

Imwieled fil-Belt Valletta, fil-parroċċa ta’ San Duminku, fis-27 ta’ Jannar, 1876.

Ħa l-voti reliġjużi bħala Patri Karmelitan nhar it-28 ta’ Awwissu, 1891 u wara l-istudji tiegħu f’Malta, bagħtuh Ruma fejn kiseb Dottorat fil-Filosofija fl-Universita Gregorjana ta’ Ruma.

Inħatar Professur tal-Filosofija fl-Università Rjali ta’ Malta u dam professur għal 38 sena.

Waqt li Toninu kien qiegħed jaqra b'qattus maġenbu u kelb daqs naqra, daħlet in-nanna inkiss inkiss u tatu bewsa kif kien.jpg

Taqbila ta’ Anastasju Cuschieri

 

Lura Malta, Patri Anastasju sar membru tal-Kunsill tal-Università, fejn ippresieda fuq il-Fakultà tax-Xjenza u kien eżaminatur tal-istudenti fit-Taljan. Filfatt għad hawn min jiftakru waqt il-lezzjonijiet sbieħ tiegħu fl-Università.

Kien elett darbtejn bħala Pirjol Provinċjali tal-Ordni Karmelitan f’Malta.

Anastasju, intgħażel darbtejn bħala Senatur f’isem il-gradwati tal-Università fl-ewwel żewġ legislaturi ta’ Gvern Malti. Gvern Nazzjonalista. Matul it-Tieni Gwerra Dinjija l-Gvern Kolonjali Ingliż kien żamm għajnejh fuqu minħabba t-twemmin politiku tiegħu.

Għall-ħafna poeżiji tiegħu fuq il-Madonna, huwa magħruf bħala l-Poeta tal-Madonna li huma fost l-aqwa fil-letteratura Maltija.

Fil-15 t’Awwissu 1959, wara marda kiefra li ħallietu paralitiku, nhar is-17 ta’ Lulju 1962, tawh l-aħħar Sagramenti. Anastasju miet bħall-llum 58 sena ilu, jum qabel il-mewt ta’ San Ġorġ Preca.

 

Li kont warda kollni fwieħa
b’weraq sbieħ qatt ma jidbielu
minn ħdejk qatt ma kont nitbiegħed,
o Reġina tal-Karmelu.

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Ara wkoll

Reklam
Reklam
EnglishMaltese