fbpx

Meta Nemnem Il-Musbieħ (L-ewwel Kapitlu – Parti a)

Miktub minn
Reklam

L- Ewwel Kapitlu (Parti a)

Il-film kien ilu kwazi siegħa u nofs li spiċċa, u fil-kamra kien hemm silenzju taqtgħu b’sikkina għajr it-tektik tal-arloġġ bir-reklam tal-luminata fuqu imwaħħal eżatt fuq il-bokka tal-bieb tal-kamra. Jakkumpanja it-tektik tal-arloġġ kien hemm l-inħir ħelu tal-qattus rieqed ħdejna li waħdu kien kapaċi jieħu kwart ta’ sodda mid-doppji. Lacey kienet fl-isbaħ raqda… Ma kienux għaddew għaxar minuti minn xħin spiċċa l-film li ma kinitx fid-dinja tal-ħolm. Aktarx toħlom dwar il-film romantiku li konna għadna kemm rajna jew bl-Leonardo l-attur prinċipali fil-film. Li inzerta l-attur favorit tagħha. U għalkemm kultant kienet qed titqalleb, wiċċha kien jidher seren u kienet tidher li qiegħda fl-isbaħ raqda. Għall-kontra tagħha, jien ma kontx. Moħħi ma setax jistrieħ anzi kien għaddej iktar minn kif tkun għaddejja magna ta’ Ferrari waqt tellieqa tal-Formula wieħed. Ma kinitx dieta li bdejt. In-nutritionist kienet ordnatli biex nixrob mat-tliet litri ilma kuljum, u minħabba dak il-fatt il-kamra tal-banju kont qed inżura ta’ sikwit. Kienu għaddew daqs għoxrin minuta minn xħin tfejna it-televixin xħin ħassejt in-natura ssejjaħli u nżilt lejn il-kamra tal-banju. Pero xħin wasalt fl-aħħar erba’ tarġiet smajt lill-kunjatu jitkellem mill-kamra tiegħu. Mhux soltu jċemplulu jew iċempel dan il-ħin. Imma fl-istess ħin jien kont ċert li qabel tlajna ma kien hemm ħadd ħliefna t-tlieta d-dar u minn dak il-ħin il-bieb ta barra fl-ebda ħin ma smajtu jinfetaħ u jingħalaq u kieku kien hemm xi ħadd kien jibqa’ jkellmu fil-kċina, il-kamra li normalment kulħadd jiltaqa’ fiha.

“Ismgħani ftit qalbi.”

Dawk kienu l-ewwel kelmiet li fhimtu ċar hekk kif inżilt l-erba’ tarġiet li kien għad fadal u ersaqt iktar qrib tal-kamra tiegħu li kienet eżatt wara l-kċina. Qalbi ? Jien kont smajt sew? Il-kunjatu kien tilef lil martu daqs sena ilu. Dak iż-żmien kont għadni kemm bdejt inkellem lil Lacey. Sharon kienet mara sabiħa ħafna u fid-darbtejn li ilħaqt iltqajt magħha stajt nara xebh kbir bejnha u bejn Lacey . Għajnejhom u xufftejhom kienu foto kopja ta’ xulxin. Sharon kienet mietet ħabta u sabta u lanqas l-aqwa professuri ma setgħu isibu x’kien eżatt il-kaġun tal-mewt tagħha. Imma aktarx kien attakk tal-qalb. Minn dakinhar Paul, il-kunjatu għamel f’qalbu wisq u kien ser iqatta’ ħafna ħinijiet id-dar. Is-social media ma kienx jużha u kien jehda jara xi dvds li kien xtara matul is-snin u anke films antiki fuq vhs li kien ħallielu missieru, li kien kollezzjonist tal-films. Iġifieri ma jistax ikun li qed jitkellem ma’ mara oħra u iktar u iktar daħħalha fil-kamra tas–sodda… Kont smajtu b’widnejja stess jaħlef li f’ħajtu ma tidħolx mara oħra wara Sharon. Il-kurżità għelbitni u bqajt nissemma’… Li smajt wara kexkixni u fl-istess ħin qanqalli kurżità kbira.

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Ara wkoll

Reklam
Reklam
EnglishMaltese