fbpx

Żewġt iħbieb – Storja miktuba minn Mandy Cilia

Miktub minn
Reklam

Dak iż-żmien Karla kellha madwar ħames snin. Il-familja tagħha kienet l-istitut li trabbiet fih minn mindu kienet tarbija tat-twelid. Għalkemm kienet għadha żgħira dejjem kienet tħoss li hemm xi ħaġa nieqsa fil-ħajja tagħha. Il-vojt li kienet tħoss ma damx ma mtela minn Maria, tifla tamparha li wkoll sabet ruħha l-istitut wara li l-ġenituri tagħha sfaw maqtula. Karla ppruvat tagħmel minn kollox biex tferraħ lil Maria u fi ftit żmien saru żewġt iħbieb tal-qalb. Kienu jagħmlu kollox flimkien u s-sorijiet anke ħadu lil Maria fl-istess kamra ma’ Karla biex ikunu aktar qrib xulxin.

Iż-Żmien kompla għaddej u minn dik il-ġurnata fejn iltaqgħu l-ewwel darba kienu għaddew is-snin. Meta Maria għalqet l-għaxar snin, koppja uriet ix-xewqa li taddotaha. Ftit xhur wara l-istess koppja reġgħet ġiet l-istitut din id-darba biex tieħu magħha lil Maria ħalli jibdew ħajja ġdida flimkien. Karla baqgħet hemm fil-kamra li issa kienet tagħha biss, wara l-ħġieġa tara lil Maria id f’id bejn dawk li firduha minnha għal dejjem. Damet xhur sħaħ tibki t-telfa ta’ ħabibitha u s-sorijiet kienu jitħassruha tgħidx kemm.

Kienu jippruvaw jagħmlulha ħafna kuraġġ imma hi kienet tgħidilhom ‘’Għaliex lili ħadd qatt ma ħadni miegħu? Jaqaw jien mhux sabiħa daqs Maria? Hija kellha ċ-ċans tgawdi lill-ġenituri tagħha għal ħames snin sħaħ u issa l-bambin reġa’ bagħtilha oħrajn. Jien qatt ma kelli x-xorti nħobb bħalha’’ Għalkemm iż-żmien itaffi l-uġigħ, il-ferita qatt ma tingħalaq għal kollox u minn dakinhar għaddew bosta snin.


Maria kienet tinsab b’ritratt f’idejha tagħha u ta’ Karla meta kienu għadhom tfal żgħar u hemmhekk ħasset bħal tingiża ta’ kuxjenza għaliex kienet abbandunatha għal kollox. Xtaqet issir taf x’kien sar minn ħabibitha wara li telqet mill-istitut imma għalxejn fittxet għax qatt ma ħadet b’aħbar Karla.
Hi u sejra lura d-dar b’qalbha maqtugħa għall-aħħar baqgħet dieħla f’waħda mara.

‘’Skużani, moħħi ma kienx hawn’’

‘’Ma ġara xejn, l-aqwa li ma’ weġġa’ ħadd’’ Qaltilha l-oħra u baqgħet sejra. Maria ħarset lejn dik il-mara u baqgħet miexja.

Mur għidilhom li wara dawk is-snin kollha reġgħu ġew wiċċ imb wiċċ u kellmu lil xulxin. Dik kienet Karla imma Maria m’għarfitiex.

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Ara wkoll

Reklam
Reklam
EnglishMaltese