fbpx

IL-BIEB TAL-KANTINA – Storja miktuba minn Jenson Elsworth

Miktub minn
Reklam

Minn mindu kont tifla ċkejkna kont niġġenen biex noqgħod għand in-nanna. Kemm nippreferi noqgħod waħdi, jien u hi biss ġewwa. Mingħajr ommi, missieri jew ħuti. Ma nbiddel xejn milli nintefa’ ma’ nannti komda komda.

In-nannu kien ibaħħar, allura n-nanna kienet tqatta’ ħafna ġranet solitarja. Kont nitħassarha naraha iżolata. Kienet taqbadni ferneżija u isteriżmu biex noqgħod għandha. Il-verita’ assoluta kienet li d-dar tan-nanna kienet tattirani wisq, issaħħarni u nimtela b’kurżita enormi x’hemm fiha. Kienet dar kolossali. Kif tidħol issib intrata wiesa’ u spazjuża. Fuq il-lemin issib kċina, u fix-xellug salott arkajk li dejjem ikun magħluq. Forsi jinfetaħ ftit matul il-festa jew fit-tberik. Fin-nofs tinżel erba’ tarġiet u ssib bitħa voluminuża u żewġt imħażen grandjużi fuq wara tad-dar. Fuq il-ġenb tal-intrata viċin il-kċina, issib taraġ li trid żmien u għomor biex tnaddfu li jagħti għal fuq. Fis-sular ta’ fuq hemm ħames kmamar tas-sodda ta’ bla użu. Kien hemm taraġ li jtellak għal fuq il-bejt li minnu kont tara dehra meraviljuża tal-Port il-Kbir.

Taħt it-taraġ kien hemm bieb jinfed għall-kantina li ma nafx għala qatt ma kien jinfetaħ. Nannti dejjem b’xi skuża ġdida. Daqqa tgħidli li għax hemm il-bir u hemm ċans naqa’ ġo fih, daqqa għax dlam ċappa jew minħabba l-wurdien jew xi mitt skuża oħra. Aktar ma tgħidli ħrafa wara oħra, il-kurżita teskala aktar. Fl-aħħar rabbejt il-kuraġġ biex niskopri x’hemm wara dak il-bieb misterjuż u għala nannti dejjem iżomm dak il-bieb imsakkar.

Skoprejt li l-bieb magħluq b’muftieħ. U kelli idea fejn setgħet tkun iċ-ċavetta tiegħu. Fil-kexxun tal-pożambrella kien hemm mazz ċwievet. Naf li qedgħin hemm minħabba li n-nanna kienet tibgħatni nġibilha l-ġanbul minn ġo fiha biex tnaddaf ir-ram. Ma kellix l-iċken problema biex nidħol f’dak il-bieb issa la naf fejn huma ċ-ċwievet. Kif ukoll, in-nanna kienet torqod wara nofsinhar, u apparti minn hekk, kienet tagħmel ħin barra mid-dar biex tixtri jew tmur il-quddies. Xi kultant kont naħrabhom jien. Darba waħda marret il-quddies, allura ħtaft l-opportunita’. Kif ħarġet mill-għatba tal-bieb u smajt il-bieb jissabbat, mort. Mort għaċ-ċwievet u bdejt l-investigazzjoni tiegħi. Il-bieb li jinfed għall-kantina faqqa’. Beda jżaqżaq. Għamel ħoss li jkemmex. Ħoss li jkessaħ l-sinsla tad-dahar. Infetaħ. Iswed dlam biss tara. Xegħlt it-torċ. Rajt swiċċ tad-dawl u xegħltu. Inżilt it-taraġ sabiħ u estiż. U skoprejt li hemm isfel hemm eżatt bħal m’hemm fuq. Qisni għadni nidħol mill-intrata’ ta’ fuq. Fotokopja.

Tkompli.

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Reklam
Reklam
EnglishMaltese