fbpx

Kolazzjon tal-Milied

Miktub minn
Reklam

Mil-lum, sal-Milied se nibdew intukom riċetta kull ġimgħa mogħtija lilna minn Peter Dacoutros. Persuna televiżiva li m’għandu bżonn l-ebda ntroduzzjoni.

Riċetti li jibdew minn kolazzjon sal-ħelu.
Għalekk, għamlu l-ista tal-ingredjenti li għandkom bżonn u ibdew ippreparaw magħna.


Bajd moqli, Hash brownies, zalzett u fażola.
Iservi 2 persuni.


Ingredjenti
3 Patata, medja
Bajda
½ Tazza ġobon cheddar maħkuk
2 Imgħaref dqiq
1/2 Kuċċarina melħ
3 Imgħaref żejt tal-qamħ (Corn Oil)
2 Bajdiet, oħra
4 Zalzettiet ta’ daqs medju
400 Gramma fażola (Baked Beans)
2 Tadamiet kbar

Kolazzjon f’Jum il-Milied

Metodu
Qaxxar u aħsel il-patata.
Ħokk il-patata fuq l-ikbar toqob tal-ħakkieka u poġġi ġo passatur. Agħfas kwalunkwe likwidu żejjed b’idejk.

Ofsoq il-bajda ġo skutella u ħabbatha bil-furketta. Żid il-patata, il-ġobon,
id-dqiq, il-melħ u ħawwad flimkien. Ferra ż-żejt ġo taġen kbir li ma jeħelx. Poġġi t-taġen fuq nar għoli. Stenna minuta u naqqas in-nar għal medju.

Aqsam it-taħlita tal-hash f’erba’ (forma ta’ pastizzi) u ċċattjahom ftit.
Uża pala tal-bajd sabiex taqleb fiż-żejt jaħraq. Aqli sakemm dawn ikunu kannella ċar u aqleb bir-reqqa sabiex issajjar fuq in-naħa l-oħra.

Tieħu madwar 3 minuti.

Erfa’ bil-galbu u poġġihom fuq żewġ platti msaħħna. Ħalli t-taġen biż-żejt jaħraq fuq in-nar u kisser iż-2 bajdied fiż-żejt jaħraq. Sajjar sew filwaqt li kultant tferra’ ftit żejt jaħraq mit-taġen fuq l-isfar permezz ta’ kuċċarina.

Sadanittant, aħsel iz-zalzett u uża furketta biex tagħmel toqob fih f’diversi postijiet. Aħsel it-tadam, aqta’ min-nofs orizzontalment u ħawwarhom bil-melħ. Poġġi z-zalzett u t-tadam fuq gradilja u ixwi.
Meta z-zalzett isir lewn kannella dehebi, aqleb biex issajjar fuq in-naħa l-oħra.
B’attenzjoni iftaħ il-bott tal-fażola u ferra ġo kazzola żgħira. Saħħan il-fażola sakemm tibda ttektek. Poġġi z-zalzett u t-tadam mixwi fuq il-platti msaħħna flimkien mal-hash browns. Mgħarfa l-fażola.

Fl-aħħar, erfa’ l-bajd moqli u poġġihom fuq il-fażola. Servi b’ħafna ħobż mixwi bil-butir.

Xi trid iktar?

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Reklam
Reklam
EnglishMaltese