fbpx

L-EWWEL ĠURNATA TAL-UNIVERSITA’ – Storja miktuba minn Jenson Elsworth

Miktub minn
Reklam

Ansjeta’. Terrur. Tferfir. Ġenn biex il-ġurnata tikkonkludi. Għażel kors li qatt ma kien sema’ bih. U ma jafx proxxmu li għażel bħalu. Totalment differenti mis-suġġetti li kellu. Minn Malti u Ingliż mexa għall-kors iffokat fuq il-ħidma maż-żgħażagħ u l-komunita’. Is-soċjeta’ kienet għal qalbu. Ħa din id-deċiżjoni minkejja li ma kienx ċert li hija tajba jew li se tirnexxi.

Qed jistenna fil-kurutur quddiem il-kamra ċkejkna immens fejn kien se jkollu l-ewwel lezzjoni Universitarja. Jibgħat il-ħabiba tiegħu li ma jafx x’għamel b’idejh u fittex jeħles ħa jitlaq l’hemm. Ra bosta nies ħdejh iħarsu lejn l-istess kamra. Ovvjament kienu għal hemm. Qalbu bdiet tħabbat sebgħa sebgħa. Iħares lejn kullimkien ħlief lejn nies oħra. Mitt ħsieb bdew għaddejjin minn moħħu. Jiddiskrivi kull persuna f’moħħu, u jgħid bejnu u bejn ruħu:

“Tgħid nikklikkja magħhom?”, isaqsi lilu nnifsu mimli ansjeta’.

Kif daħal poġġa fir-rokna. Ħareġ il-karti u lapes. Beda jħares lejn ix-xejn, għax beda jħossu delużjonali li ħa kors hekk meta ma kien jaf il-ħadd. L-ewwel lezzjoni nzertat waħda interattiva u mimlija attivitajiet biex isiru jafu l-xulxin. Attivitajiet biex jibdew jibnu grupp bejniethom u javdaw lil xulxin. Eserċizzju minnhom kien li jsibu lil xi ħadd u jaqbdu parlata flimkien. Sab numru kbir ta attributi u karatteristiċi simili u kklikkja malajr ma’ din it-tfajla tant ħanina u ġenwina. Attivita’ partikolari kienet li jinqasmu f’pari, fl-oppost ta’ xulxin. U kellhom jipprogressaw lejn xulxin sakemm il-pari jħossuhom komdi. U kien par ma’ studenta oħra. Mara bl-ikbar tbissima li timla l-atmosfera b’pożittivita’. Sabha pjuttost faċli dan l-eserċizzju għax kemm din l-istudenta u ħaddiehor kienu nies li jattirawk lejhom.

Ħareġ minn dik il-lezzjoni ta’ tliet sigħat iħossu persuna differenti. Tant kemm ħassu komdu li anke qattgħu l-ħin liberu tagħhom flimkien sakemm bdiet l-aħħar lezzjoni. Kienet lezzjoni ferm distinta minn oħrajn. Waħda ‘normali’ jekk tista’ ssejħilha hekk. Iżda xorta waħda li tgħaddiha, jekk ikollok il-kumpanija t-tajba. U dan il-ġuvni ħassu li kellu l-aħjar grupp, li bil-mod il-mod ġa beda jħossu ma’ familja spontanja. U telaq lura d-dar bi tbissima massiva, lest għal ġurnata li jmiss magħhom.

TMIEM

Reklam

Ixxerja din il-paġna

Share on facebook
Facebook
Share on twitter
Twitter
Share on linkedin
LinkedIn

Ara wkoll

Reklam
Reklam

Ipparteċipa f'TEK TEK

Għandek xi kitba, ritratti jew filmati? 

Reklam
Reklam
EnglishMaltese